Napolit nuk i mjafton goli i Amir Rrahmanit, Barcelona kalon në çerekfinale të Ligës së Kampionëve

Barcelona është në çerekfinale të Ligës së Kampionëve, pasi ka mposhtur Napolin në ndeshjen e kthimit me rezultat 3-1.

Katalunasit gjetën golin e epërsisë shpejtë, ku në minutën e 15-të Fermin Lopez realizoi për 1-0 pas asistimit nga Raphinha.

YES, SIR!!!!!! 🫡 pic.twitter.com/1uU6lXlKPj

— FC Barcelona (@FCBarcelona) March 12, 2024

Vetëm dy minuta më vonë, katalunasit shënuan sërish, ku kësaj radhe pas një kundërsulmi erdhi goli.

Raphinha goditi shtyllën derisa topi i kthyer shkoi te Joao Cancelo i cili realizoi në portën bosh për 2-0.

Culers! How are we doing? pic.twitter.com/kssKmo40BJ

— FC Barcelona (@FCBarcelona) March 12, 2024

Napoli u kthye në lojë pasi kaluan gjysmë ore lojë, kur Matteo Politano asistoi bukur te Amir Rrahmani i cili realizoi gol të bukur për 2-1.

Rrahmani keeping Napoli hopes alive 💙#UCL pic.twitter.com/V25AkR9qUW

— UEFA Champions League (@ChampionsLeague) March 12, 2024

Me epërsinë minimale të skuadrës katalunase u mbyllën 45 minutat e para të kësaj ndeshje.

Pjesa e dytë ishte edhe më e gjallë me dy skuadrat që krijuan raste shumë të mira shënimi.

Megjithatë për të parë golin e parë në këtë fraksion loje u desh të pritej minuta e 83-të e ndeshjes.

🤜🔥🤛 pic.twitter.com/PDPAZtUkmv

— FC Barcelona (@FCBarcelona) March 12, 2024

Vendasit bën një aksion të mrekullueshëm me Sergi Roberton që asistoi te Robert Lewandowski i cili në portën bosh realizoi për rezultatin përfundimtar 3-1.

Kësisoj Barcelona kalon në çerekfinale të Ligës së Kampionëve pas katër vitesh me rezultat të përgjithshëm ndaj Napolit 4-2. /Telegrafi/