Negociata në Kuvend për rezolutën për Kosovën

Pritet të dalin me një dokument të përbashkët

Shumica dhe opozita me shumë gjasa do të dalin me një rezolutë të përbashkët për Kosovën. Por në mbledhjen e konferencës së kryetarëve që u zhvillua pas mesdite ky konsensus nuk u arrit dhe palët po vazhdojnë të negociojnë.

Këtë e pohon dhe Jorida Tabaku pas mbledhjes për mediat duke sqaruar se rezoluta e miratuar nga Parlamenti i Kosovës do të jetë baza e tekstit që do të diskutojnë dhe miratojnë ligjvënësit shqiptarë.

“Duket sikur është duke u arritur një dakordësi që t’i rikthehemi qëndrimit që PD ka pasur për të pasur një rezolutë të njëjtë me të Kosovës”, tha ajo.

Shumica ka rrëzuar kërkesën e opozitës për një komision hetimor për parandalimin e konfliktit të interesit në funksione publike.

“Askush nuk mund të refuzojë të drejtën e opozitës për kontrollin dhe balancën e pushteteve. Po kthehet në një normë që mazhoranca tashmë kontrollon dhe vendos edhe për të drejtën e opozitës për komisionet hetimore”.

Socialistët mesa duket të përqendruar tek negociatat dhe pas mbledhjes nuk folën me gazetarët. Por mbledhja ka qenë e tensionuar sepse përfaqësuesit e opozitës kanë kërkuar që në seancën e të enjtes të ishin prezentë dhe deputetët e përjashtuar.

Tv Klan

Të ngjashme