9 months ago
22
Prokuroria e Romës ka kërkuar dënimin me 21 vite në gjyqin e trafikantit shqiptar të drogës Elvis Demçe , i akuzuar me katër persona të tjerë për tentativën e vrasjes së Alessio Marzani. 45-vjeçari mbeti i plagosur me armë zjarri në 22 tetor 2020 në Acilia. Prokurorët Mario Palazzi dhe Francesco Cascini kërkuan gjithashtu një dënim me 21 vite për Daniele Gallarello, 18 vjet për Alessandro Corvesi , 35 vjeç me të kaluar si futbollist profesionist dhe 14 vjet për Matteo Costacurta, me origjinë fisnike dhe për këtë arsye i quajtur si “Princi”. 8 vite u kërkuan edhe për Marzanin, i akuzuar për zhvatje.
“Është një grup me një profil me kapacitet shumë të lartë kriminal dhe rrezikshmëri shoqërore”, tha prokurori Palazzi në sallën e gjyqit, i cili i kushtoi një pjesë të aktakuzës së tij Costacurta, duke e cilësuar atë si një “personazh shqetësues”. “Nuk ka nevojë të bëjë krime për arsye ekonomike, ka para dhe familje të mirë, nuk është i mjerë nga periferia, mund të bëjë një jetë të mirë, dhe përkundrazi ai bën krime për qejf, për shijen e tij personale”. Siç rezultoi nga shkresat e hetimit, “ai është i pushtuar nga idetë e tij antidemokratike dhe e cilëson veten me krenari si fashist”.
Gomorra shqiptare, ndaj miku i Diabolikut që e shpalli veten “zot” i drogës dhe donte të merrte Romën, Demçe, i lidhur në të kaluarën me Fabrizio Piscitelli, alias Diabolik , lideri i ultrasve të Lazio i vrarë më 7 gusht 2019 në Parco degli Acquedotti. Demçe u arrestua së bashku me Costacurta dhe Corvesi në korrik të vitit të kaluar nga karabinierët e njësisë hetimore Ostia për plagosja e Marzanit.
Deshifrimi i disa bisedave të koduara me sistemin ‘Sky-Ecc’ dhe të përfshirja në një server në territorin francez ishte thelbësor për hetimet nga karabinierët, të koordinuara nga drejtoria e qarkut të antimafia të Romës.
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
English (US) ·