Nga tërmeti shkatërrues, toka në Japoni u zhvendos më shumë se një metër në perëndim?

Zyrtarët lokalë japonezë besojnë se tërmeti i djeshëm mund të ketë lëvizur tokën në rajonin Noto deri në 1.3 metra në perëndim.

Autoriteti i Informacionit Gjeohapësinor i Japonisë (GSI) shqyrtoi të dhënat e GPS-it pas tërmetit me magnitudë 7.6, shkruan BBC, dhe ndryshimi më i madh prej 1.3 metrash u pa në qytetin Wajima.

Një zhvendosje drejt perëndimit prej rreth një metër është matur në qytetin e Anamizu dhe prej 80 centimetra në qytetin e Suzu, transmeton Telegrafi.

Lëvizje të tokës u raportuan gjithashtu në qytetet Nanao, Toyama, Niigata dhe rajonin Kanto-Koshin.

Siç raporton BBC, këto janë të dhëna paraprake që ende nuk janë konfirmuar zyrtarisht. /Telegrafi/