Nis sesioni i ri parlamentar, të pranishëm Begaj dhe ambasadorë të huaj

Kjo e Hënë shënon ditën e seancës së parë parlamentare për vitin 2024. Pritet që sot në Kuvend të votohen ndryshimet në kabinetin qeveritar, ndërsa të pranishëm janë Presidenti i Republikës Bajram Begaj dhe ambasadorë të huaj. Mësohet se Begaj do mbajë në nisje të seancës fjalën e tij për të dhënë mesazhe për dialog mes palëve politike.

Sipas gazetares së Klan News Klesiana Omeri, në këtë seancë do të marrë pjesë edhe kryeministri Edi Rama.

Nuk dihet se si do vijojë situata brenda sallës së Kuvendit duke qenë se opozita ka paralajmëruar të vijojë me mosbindjen civile.

Në Parlament ka mbërritur dhe Lulzim Basha me disa mbështetës të tij, mes tyre Enkeled Alibeaj./tvklan.al

Të ngjashme