Një gjykatëse e Las Vegasit u sulmua dhe u godit nga një i dënuar gjatë një seance, pasi ajo ia mohoi lirimin me kusht

Një gjykatëse e Las Vegasit u sulmua dhe u godit nga një kriminel gjatë një seance pasi ajo ia mohoi lirimin me kusht.

Sipas mediave të huaja, përcjell Telegrafi, gjyqtarja Mary Kay Holthus nga Gjykata e Qarkut Clark ishte duke njoftuar vendimin kur krimineli i dënuar Deobra Delone Redden e sulmoi atë të mërkurën në mëngjes.

Dhe ndërsa hidhet drejt gjyqtares, Redden dëgjohet duke sharë.

Një pjesë e sigurimit së bashku me gjyqtarin u përpoqën të shmangnin sulmin, por Redden u hodh mbi të dy dhe filloi të rrihte brutalisht Holthus.

Në pamje ai dëgjohet duke goditur vazhdimisht Holthus-in dhe duke i bërtitur asaj, ndërkohë që oficerët e sigurisë u përpoqën të frenonin kriminelin e çmendur.

E gjyqtarja femër dëgjohet teksa i lutet kriminelit dhe i lutet të largohet prej saj.

Gjyqtarja Holthus thuhet se ka pësuar lëndime si pasojë e sulmit dhe gjendja e saj po monitorohet.

Ndërsa një nga pjesëtarët e stafit të sigurisë është lënduar gjithashtu dhe u desh të transportohej në spital pas sulmit brutal. /Telegrafi/