Nuk ishte në dijeni – Madonna padashje i kërkon një fansi në karrige me rrota që të ngrihet në këmbë

7 months ago 19

Madonna mbeti e habitur pasi thirri aksidentalisht një nga pjesëmarrësit e saj në koncert.

Këngëtarja 65-vjeçare e ‘Vogue’ është aktualisht në turneun e saj nëpër ShBA dhe një moment mjaft i vështirë ka ndodhur në një nga koncertet e saj të fundit.

Në një video virale që po bën xhiron e internetit, Madonna iu drejtua audiencës dhe u bëri thirrje fansave që ‘të kërcejnë me të’.

Ajo vazhdoi të pyeste një person në turmë: “Çfarë po bën ulur atje?”.

Më pas, këngëtarja shkoi në skaj të skenës për të dëgjuar se çfarë po thoshte fansi i saj.

Duke mësuar se ishte ulur në karrige me rrota, Madonna e turpëruar u shpreh: “Oh, në rregull. Më falni për këtë”.

“Më vjen mirë që je këtu”, shtoi ajo.

Që atëherë, njerëzit e kanë kritikuar Madonnan për komentet e saj, duke këmbëngulur se nuk është punë e saj nëse dikush ulet – nëse është në një karrige me rrota apo jo.

And when Madonna complained that there was a person sitting down during her concert, and seconds later she realized it was a wheelchair user. pic.twitter.com/hDvERFmsFN

— Avid ( Fan Account ) 👹 (@avid_original) March 8, 2024

“Aftësia e kufizuar nuk është gjithmonë e dukshme. Nuk duhet të ketë rëndësi nëse ata ishin në karrige me rrota apo jo”, tha një tjetër.

Dikush tjetër shkoi aq larg sa e cilësoi artisten si ‘të padurueshme’, ndërsa një tjetër e përshkroi vetë klipin si ‘të dhimbshëm’. /Telegrafi/