“Osimhen mund të luajë për Real Madridin ose Man Cityn”, trajneri i Nigerisë flet për të ardhmen e sulmuesit

Trajneri i Kombëtares së Nigerisë, Jose Peseiro, këmbëngul se sulmuesi i Napolit, Victor Osimhen mund të luajë për çdo ekip në botë.

Peseiro thotë se Osimhen mund të fitojë gjithashtu Topin e Artë nëse ai e synon atë, ndërsa ka folur gjerë e gjatë për sulmuesin nigerian të Napolit.

“Ai është një yll, për shkak të aftësisë së tij për të shënuar gola, për të luftuar, për të bërë presion. Një lojtar që është shumë i fortë në sulm. Presioni që ushtron ndaj mbrojtësve është i madh. Ai ka energji, agresivitet, shpejtësi, fuqi dhe ai ka një gol, ai është i çmendur për të shënuar gola”, ka thënë fillimisht Piseiro për AS.

“Napoli është një ekip shumë i fortë. Ka qenë kampion në Itali. Ai është në Ligën e Kampionëve. Shitja e tij nuk u realizua sepse ai ka një president i cili është i fortë, shumë i ashpër. Ne të gjithë e njohim atë, ai ishte ai që e vendosi Napolin aty ku është, një klub që ishte në gjendje të keqe financiarisht dhe që ka bërë një punë fantastike për ta bërë Napolin kampion të Italisë”.

“Ishte ai që bëri gjithçka për të mos e shitur Osimhenin, apo për ta shitur me çmimin që do. Siguria që kam është se fundi i Osimhenit do të jetë një nga skuadrat më të mira në Evropë”.

“Ai mund të luajë për çdo ekip të madh: Real Madrid, Bayern Munich, Manchester United, Manchester City…”.

“Topi i Artë? Pse jo? Nëse i futet në kokë… Nuk e dimë. Ai ka karakteristika të ndryshme, për shembull, nga Mbappe. Nuk e dimë se kush do të jetë më i miri tani pasi Cristiano dhe Messi ta përfundojnë atë luftë. Dikush do të jetë. Osimhen mund të luftojë për të”, përfundoi trajneri i Nigerisë. /Telegrafi/