Parandalohet tragjedia në Shkodër, policia shpëton 49-vjeçarin që tentoi të hidhej në lumin Buna

Një ngjarje tragjike është parandaluar në Shkodër. Policia ka shpëtuar një 49-vjeçari, i cili tentoi të hidhej nga Ura në lumin Buna.

Ai është dërguar në spitalin psikiatrik, për të marrë asistencën e nevojshme mjekësore.

“Shkodër/Tentoi të hidhej nga Ura në lumin Buna, për tu vetëmytur ndërhyrja e menjëhershme e Patrullës së Qarkullimit Rrugor që ishte me shërbim në territor, parandalon ngjarjen e rëndë.

Sot më datës 23.08.2024, Patrulla e Qarkullimit Rrugor gjatë patrullimit në territor ka konstatuar një shtetas te Ura e Bunës që kryente lëvizje të dyshimta dhe tentonte të hidhej nga Ura në lumin Buna.

Patrulla e Qarkullimit Rrugorë e DVP Shkodër ka njoftuar forcat ”Shqiponja” dhe shkuan menjëherë te qytetari që tentonte të hidhej në lumë.

Si rezultat i ndërhyrjes së shpejtë, u parandalua ngjarja dhe 49 vjeçari V. N, u shoqërua në spital psikiatrik, për të marrë asistencën e nevojshme mjekësore, pasi nga verifikimet rezultoi se vuante nga shëndeti mendor”, njofton policia. /vizionplus.tv