Paris Saint-German nuk merr më shumë se një pikë në udhëtim ndaj Lille

Paris Saint-Germain ka luajtur baras me rezultat 1-1, në udhëtim ndaj Lille në kuadër të javës së 16-të në elitën e futbollit francez.

Vendasit patën fillimisht dy raste të mira shënimi përmes Edon Zhegrovës, i cili nuk arriti ta gjejë dot rrugën e rrjetës.

Mysafirët gjithashtu patën rastet e tyre me Dembelen dhe Vitinhan por pa arritur që të shënojnë.

HALF-TIME: Lille 0-0 Paris Saint-Germain ⏸️ #𝐋𝐎𝐒𝐂𝐏𝐒𝐆 | 𝟎-𝟎 pic.twitter.com/v7LjBfcD6h

— Paris Saint-Germain (@PSG_English) December 17, 2023

Goli i vetëm në këtë takim dhe ai i fitores për PSG-në erdhi në minutën e 66-të, ku autor i golit ishte Kylian Mbappe që realizoi nga pika e bardhë për 1-0.

Teksa dukej se ndeshja do përfundonte me fitoren e PSG-së, në skenë doli Jonathan David që shënoi në minutën e 94-të, për të barazuar shifrat në 1-1.

Pas 16 ndeshjeve të zhvilluara, PSG vazhdon si lider në tabelë me 37 pikë të grumbulluara, pesë më shumë se vendi i dytë Nice, që ka 32 sosh.

Kampionati francez vazhdon në mesjavë, ku të besuarit e Luis Enriques do të kenë përballë ekipin e Metz./Telegrafi/