Pas sherrit për pronësinë, 56-vjeçari përplas me makinë fqinjin, arrestohet

Një 56-vjeçar është arrestuar në Berat pasi ka goditur me makinë fqinjin e tij pas një konflikti për pronësinë.

Mësohet se në pranga ka përfunduar 56-vjeçari Eduart Dingo, i cili ka plagosur 53-vjeçarin J. V. duke i shkaktuar dëmtime fizike.

Sakaq, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Njoftimi i policisë:

Berat/Goditi me mjet, gjatë një konflikti një shtetas, vihet në pranga 56-vjeçari.

Specialistët e Seksionit për Hetimin e Krimeve në Komisariatin e Policisë Berat, arrestuan në flagrancë shtetasin E.D., 56 vjeç, banues në Berat, pasi gjatë një konflikti për motive pronësie, ka goditur me mjetin e tij shtetasin J.V., 53 vjeç, banues në Berat, duke i shkaktuar dëmtime.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb