Pastori nga Florida dhe bashkëshortja qëllohen për vdekje në shtëpi, një javë pas martesës

Zyrtarët e qytetit të Palm Beach thanë se kishin arrestuar një të dyshuar për ngjarjen e rëndë, Sony Josaphat, i cili dyshohet si autor i vrasjeve.

Emrat e viktimave nuk ishin publikuar pasi të afërmit e tyre kishin aktivizuar një ligj të shtetit të Florida që ndalon identifikimin e viktimave të një krimi.

“Ajo nuk kishte qenë kurrë kaq e lumtur sa ditët e fundit,” tha një i afërm për nusen tragjike, teksa rrjeti lokal WPTV tha se vetëm një javë më parë ishte martuar me të shoqin.

Një foto martese e çiftit është publikuar, ku thuhet se nisja ishte infermiere prej kohësh.

Ajo shihet që buzëqesh ndaj bashkëshortit pastor.

Viktimat besohet se shiheshin rregullisht në kishën vendase dhe se ishin me origjinë nga Haiti, sipas dëshmisë së motrës së të ndjerës.

Tre fëmijët e gruas ishin në shtëpi kur Josaphat kishte qëlluar për vdekje çiftin.

Fqinjët e tyre në komunitetin e qetë të banimit thanë se dëgjuan plasjet e armës por menduan se çifti po bënin punime në shtëpi.

Policia kishte identifikuar shpejt si të dyshuar Josaphat i cili banon në të njëjtën zonë, por nuk ka publikuar ende motivin e krimit.

Josaphat përballet me dy akuza vrasjeje dhe është vendosur në paraburgim, teksa pret gjyqin muajin që vjen.

Top Channel