Protesta pas vrasjes së pengjeve izraelite

Qeverisë i kërkohet të shtojë përpjekjet për lirimin e tyre

Tel Avivi shpërthen në protestat pas vrasjes gabimisht nga ushtria izraelite në Gaza, të 3 pengjeve izraelitë të marrë nga Hamasi.

Me mijëra manifestues që mbushën sheshin kryesor të qytetit kërkuan që qeveria izraelite të bëjë më shumë për lirimin e pengjeve dhe kthimin e tyre në atdhe.

Jotam Haim, Samer Talalka and Alon Shamriz u vranë gabimisht gjatë një operacioni të ushtrisë izraelite në qytetin verior të Gazës.

Në një deklaratë të trupave të mbrojtjes së Izraelit u tha se viktimat u identifikuan gabimisht si militantë të Hamasit.

Kryeministri izraelit Benjamin Njetanjahu kërkoi falje publike, u shprehu ngushëllimet familjarëve të viktimave dhe tha se rasti do i nënshtrohet një hetimi të thellë.

Ndërkaq, sipas mediave amerikane për t’i dhënë Hamasit një goditje të fortë, ushtria izraelite po planifikon nisjen e përmbytjeve të sistemit nëntokësor të tuneleve të tyre.

Tv Klan

Të ngjashme