Publikohen statistikat: Luiz Ejlli vazhdon të jetë më i kërkuar në internet edhe se sa Romeo e Donaldi bashkë

Në një seri postimesh në rrjetin social Twitter, eksperti i sigurisë kibernetike Besmir Semanaj ka zbuluar disa statistika që hedhin dritë mbi nivelin e interesit të publikut për banorët e “Big Brother VIP Albania”.

Sipas analizës së Semanajt, të bazuar në të dhënat nga kërkimet në Google dhe YouTube, është vërejtur një trend interesant.

Edhe pse këtë vit ka patur një vëmendje të konsiderueshme për Romeo Veshaj, njërin prej konkurrentëve më të diskutuar dhe vëllain e tij Donald Veshaj – i cili ka qenë pjesë e edicionit të parë të “Big Brother VIP Albania” – asnjëri prej tyre nuk duket të kenë arritur të tërheqin interesin e publikut në nivelin e Luiz Ejllit.

Sot po lexoja në disa portale që #luizejlli dhe #donaldveshaj janë 2 ish banorët më të përfolur gjatë këtij BBVIPAL. Përsëri i drejtohemi statistikave, Donald + Romeo (aktualisht banor) nuk arrijnë dot Luizin. #ejllat
PS. Statistikat vetëm gjatë këtij #BBVIPAL. pic.twitter.com/cNAKzrtaZr

— Besmir Semanaj (@besmirsemanaj) March 13, 2024

Luizi, i cili ishte pjesë e edicionit të dytë të spektaklit, mbahet si një fenomen i veçantë dhe një prej figurave më të përfolura të mbarë edicionit, duke thyer pothuajse të gjitha rekordet.

Këto statistika tregojnë që, pavarësisht nga prania dhe polarizimi që mund të kenë sjellë Veshajt në shtëpinë e “Big Brother VIP Albania”, publiku mbetet i mbërthyer nga personaliteti dhe performanca e Luiz Ejllit në edicionin e kaluar. Ky fakt qëndron si dëshmi e impaktit që mund të ketë një banor te audienca, duke krijuar një përshtypje të qëndrueshme që transmetohet përtej kohës së qëndrimit në spektakël.

Megjithëse Romeo dhe Donald kanë sjellë dinamika të reja dhe interesante në spektaklin e ky edicion, Luizi vazhdon të mbetet si një referencë kur flitet për banorët më mbresëlënës dhe memorabël të “Big Brother VIP Albania”.

Analiza e Semanajt nxjerr në pah se fama dhe popullariteti nuk janë vetëm çështje të momentit, por mund të ndërtohen dhe të ruhen nëpërmjet një prezence të fortë dhe të ndikshme në shtëpi. /Telegrafi/