Putin: Rusia do të intensifikojë sulmet ndaj Ukrainës

Sulmi i së shtunës në Belgorod la të vrarë 24 persona dhe 100 të tjerë u plagosën. Ky sulm erdhi pasi Moska kreu një sulm të shkallës së gjerë ndaj qyteteve ukrainase.

“Ne do të intensifikojmë sulme. Asnjë krim ndaj civilëve nuk do të kalojë pa u ndëshkuar, kjo është e sigurt”, tha Putin të hënën gjatë një vizite në një spital ushtarak.

Ai tha se Rusia do të vazhdojë të godasë ato që presidenti rus i quajti “instilacione ushtarake”.

“Ne po e bëjmë këtë sot, do ta bëjmë nesër dhe do të vazhdojmë të veprojmë kështu”, tha Putin, teksa pushtimi i paprovokuar rus i Ukrainës pothuajse ka hyrë në vitin e dytë.

Këto deklarata të Putinit erdhën ditën kur Ukraina raportoi për një “numër rekord” të sulmeve ruse me dronë. Ukraina raportoi për 90 sulme me dronë gjatë natës. Lideri rus po ashtu tha se beson se “iniciativa strategjike” në konfliktin në Ukrainë është në anën e Rusisë.

Putin po ashtu pretendoi se Moska dëshiron t’i japë fund konfktit “sa më shpejt që të jetë e mundur”, por “vetëm sipas kritereve tona”, raportiu agjencia shtetërore e lajmeve, TASS. Ai përsëriti se Ukraina po përdoret nga Perëndimi “që të zgjidhë problemet” që Perëndimi ka me Rusinë.

Top Channel