Rashford nuk merr pjesë në seancën stërvitore të Man United, argëtohet në një klub nate

Manchester United ka lajmëruar se Marcus Rashford nuk është stërvitur në mëngjesin e ditës së sotme (e premte) pasi është parë në një klub të natës në Belfast.

“Djajtë e Kuq” janë duke kryer përgatitjet për duelin ndaj Newport Countyt mbrëmjen e së dielës në kuadër të rrethit të katërt të FA Cup.

Në seancën e sotme stërvitore të klubit përveç Marcus Rashford pjesë e saj nuk ishte as mbrojtësi Jonny Evans për shkak të gjendjes me grip.

Sidoqoftë, videot të cilat kanë qarkulluar nëpër rrjetet sociale shfaqin Rashford së bashku me mikun e tij dhe ish-mbrojtësin e Unitedit, Roshaun Williams, i cili tashmë luan tek Larne në Irlandën Veriore, duke u argëtuar në një klub të natës.

🚨 Update: #mufc believe that the videos of Marcus Rashford at a Belfast nightclub were taken on Wednesday night, not Thursday, which is what those who took the videos have claimed. There is "no issue".

[via @ChrisWheelerDM]https://t.co/YPbPLwp00K

— UtdDistrict (@UtdDistrict) January 26, 2024

Daily Mail megjithatë ka raportuar se United beson se ajo video ishte bërë mbrëmjen e së mërkurës, kur lojtarët e kishin pushim dhe nuk ka ndonjë problem.

Të besuarit e Erik Ten Hag tashmë janë eliminuar nga Liga e Kampionëve dhe Carabao Cup deri më tani këtë sezon dhe momentalisht gjenden në pozitën e tetë në Ligën Premier, duke e bërë FA Cup shansin e tyre të vetëm për të fituar trofe këtë sezon.

26-vjeçari në edicionin e sivjetëm është duke luajtur me shifra mjaft të dobëta në krahasim me vitet e kaluara, pasi që deri në këtë fazë të sezonit ai ka shënuar vetëm katër gola në Ligën Premier, ndërsa nuk kishte shënuar asnjëherë në fazën e grupeve të Ligës së Kampionëve./Telegrafi/