Re e madhe e tymi në Krime, ndalet trafiku në urën e Kerch

Trafiku në urën e Kerch që lidh Krimenë me Rusinë është pezulluar, sipas autoriteteve rajonale.

“Trafiku në urën e Krimesë është bllokuar përkohësisht. Kërkojmë që ata që ndodhen në urë dhe në zonën e inspektimit, të qëndrojnë të qetë dhe të ndjekin udhëzimet e marra”, njoftoi qendra lokale e informacionit të trafikut në Telegram.

Sipas raportimeve të mediave të atjeshme, në kohën kur u publikua kjo deklaratë, një re tymi u regjistrua në zonën e Sevastopolit, në anën tjetër të gadishullit të Krimesë.

Autoritetet ruse në Krime shpesh përdorin retë e tymit për të parandaluar sulmet me dron, transmeton Telegrafi.

“Sipas të dhënave paraprake, mbrojtja kundërajrore rrëzoi dronët në zonat Verkhnesadovoi dhe Kacha, afër qytetit. Nuk pati viktima”, tha guvernatori i Sevastopolit, Mihail Razvozhev.

Megjithatë, videot e postuara në kanalet jozyrtare të mediave sociale në Krime, treguan një re të madhe tymi që ngrihej pranë bazës ushtarake ruse në Verkhnesadovaya. /Telegrafi/

From the ground they report the arrival of a Storm Shadow/SCALP-EG missile at a Russian military base in the area of ​​the village of Verkhnesadovoye near Sevastopol

🔥💪🏼🇺🇦

Follow for more pic.twitter.com/U8IzOJ0q0N

— WarFrontline (@WarFrontline) September 20, 2023