Real Madridi, mbret i Evropës për herë të 15-të në histori

Real Madridi ka fituar me rezultat të pastër 2-0 ndaj Borussia Dortmundit në ‘Wembley’ të Londrës për të marrë trofeun e 15-të të Ligës së Kampionëve në histori të klubit.

Pas 45 minutave ekipi me rastet më të mira në fushë ishte Dortmundi që rrezikoi seriozisht portën e Real Madridit në disa raste.

Fillimisht ishte Karim Adeyemi i cili në minutën e 23-të dështoi që të shënojë në një situatë 1 me 1 me portierin Thibaut Courtois.

Vetëm dy minuta më vonë, më saktësisht në minutën e 25-të, Dortmundi rrezikoi sërish, këtë herë me Niclas Fullkrug të cilit shtylla ia mohoi golin.

Adeyemi ishte sërish pranë golit në minutën e 27-të por Courtois bëri një super pritje për t’ia mohuar golin.

⏸️ @BVB 0-0 @RealMadrid
📱 https://t.co/PLJNIQqS3h#UCLfinal | #APorLa15 pic.twitter.com/7XwutFb1rg

— Real Madrid C.F. (@realmadrid) June 1, 2024

Në pjesën e dytë, Real Madridi u paraqit me një fytyrë krejtësisht tjetër duke dominuar me raste për gol.

Borussia Dortmundi rrezikon e para me Adeyemin që harkon në zonë, por gjuajtja me kokë e Fullkrug përfundon në duart e Courtois.

Disa minutë më vonë (68’) Bellingham pati një mundësi të mirë por nuk arriti të gjuajë me kokë pas krosimit të Vinicius.

Për epërsinë e Real Madridit u përkujdes Dani Carvajal i cili në minutën e 73-të realizoi për 1-0 pas krosimit të Toni Kroos.

GOOOOOOOOL DE DANI CARVAJAL, TE QUIERO DANIIIIII 🤍🤍🤍pic.twitter.com/wfxPpVsswS

— REAL MADRID FANS 🤍 (@AdriRM33) June 1, 2024

Los Blancos nuk u ndalën më kaq dhe vazhduan me raste të njëpasnjëshme, fillimisht me Jude Bellingham pastaj edhe me Eduardo Camavingan.

Goli i cili vulosi përfundimisht fitoren e Real Madridit u shënua në minutën e 83-të ku autor i saj ishte Vinicus Junior i cili shënoi për 2-0 pas asistimit të Jude Bellingham.

VINICIUS JUNIOR

2 BUTS EN 2 FINALES DE LIGUE DES CHAMPIONS pic.twitter.com/nhgjzJOqtX

— Gio CR7 (@ArobaseGiovanny) June 1, 2024

Kjo fitore ishte qershia mbi tortë për ekipin e Carlo Ancelottit që e përfundojnë sezonin 2023/2024 me tre trofe të fituar./Telegrafi/