7 months ago
7
Superliga e Maqedonisë së Veriut në fundjavën që lamë pas hyri në fazën finale të sezonit ku do të vendosen fatet përfundimtare të ekipeve për titull kampion, europë, mbijetes dhe rënie nga mesi i më të mirëve.
Xhiroja e 23-të, solli fitore për Struga Trim Lum dhe Shkupin, teksa me barazime përfunduan skuadra tjera shqiptare si Shkëndija, Gostivari e Voska Sporti.
Kampionët në fuqi me fitoren ndaj Brera Strumicës, vazhdojnë ta mbajnë kreun në renditje me 48 pikë të grumbulluara, një më shumë se Shkupi që mban pozitën e dytë dhe Shkëndija e Tetovës e treta me 44 pikë në konto.
Gostivari nuk arriti të fitojë ndaj Vardarit dhe bie nga pozita e katërt, duke u renditur tashmë në vendin e gjashtë me 31 pikë, derisa para skuadrës shqiptare dolën Sileksi dhe Tikveshi me nga 32 pikë.
Pozitat shtatë dhe tetë i mbajnë Brera dhe Rabotniçki me nga 27 pikë secila, ndërsa pas tyre vjen Voska Sport me 26 pikë, që le prapa vetes Vardarin me 25 pikë.
Dy pozitat e fundit mbahen nga Bregallnica (21 pikë) dhe Makedonija Gjorçe Petrov (18 pikë).
Ndeshjet e radhës në Superligën e Maqedonisë zhvillohen me 16 mars dhe më pas kampionati shkon në pauzë për shkak të ndeshjeve ndërkombëtare të ekipeve përfaqësuese. /Telegrafi/
English (US) ·