Ish-futbollisti merr mbështetjen e tifozëve
Në fund të një beteje të gjatë, jo vetëm elektorale, por edhe gjyqësore ish-zëvendëspresidenti dhe ish-futbollisti i Boca Juniors, Juan Román Riquelme, ka fituar presidencën e klubit.
Riquelme do të jetë numri një i Boca Juniors për katër vitet e ardhshme, pasi ka arritur sukses me një diferencë të madhe ndaj kandidatit tjetër Andres Ibarra. Ky i fundit e shpalli vetë fitoren e Riquelme.
Në votime morën pjesë 43,367 anëtarë, duke tejkaluar numrin që kishte arritur Boca në vitin 2019, kur votuan më shumë se 38 mijë. Ish-fantazisti, Riquelme ka marrë 64% të votave.
Por kjo ngjarje kishte marrë edhe ngjyrime politike. Kandidati Ibarra në aleancën e tij kishte pjesë edhe presidentin aktual të vendit ultraliberalin Javier Milei. Mëngjesin e së hënës kreu i shtetit shkoi të votonte, por u fishkëllye nga tifozët e pranishëm.
Riquelme fitoi pasi pati mbështetje të gjerë duke qenë se fushata e tij u bazua në denoncimet se kandidati tjetër Ibarra dhe mbështetësit politikë të tij synonin ta shndërronin Boca në klubin e parë të privatizuar në Argjentinë.
Tv Klan
Të ngjashme