Roma shpëton një pikë në fundin dramatik të ndeshjes me Fiorentinën

Roma ka barazuar 2-2 në udhëtim te Fiorentina në kuadër të javës së 28-të në Serie A, në një fund dramatik të ndeshjes.

Pas 18 minutash lojë, Luca Ranieri kaloi Violan në epërsi, kur u asistua prej Gonzalez.

Me kaq edhe përfundoi pjesa e parë, përkundër se dy skuadrat kishin raste të mira shënimi.

Siamo avanti all’intervallo.#FiorentinaRoma 1 – 0 | 45’ pic.twitter.com/9NCLhOoNbr

— ACF Fiorentina (@acffiorentina) March 10, 2024

Në 45 minutat e dytë, Giallorossët filluan të tregonin më shumë nga loja e tyre, por që fundi ishte dramatik.

Houssem Aouar i barazoi shifrat në 1-1 kur shënoi në minutën e 58-të.

AOUAR! DI TESTA! 1-1 AL 58'! DAJE ROMA!#FiorentinaRoma #ASRoma pic.twitter.com/AkDA6Adiwv

— AS Roma (@OfficialASRoma) March 10, 2024

Mirëpo, Fiorentina nuk u dorëzua dhe ia doli të rikthente epërsinë, kur shënuan me anë të Rolando Mandragora (69’).

Për të bërë ndeshjen më dramatike u përkujdes Diego Llorente, që i barazoi shifrat në 2-2, kur realizoi në minutën e 90+5-të.

GOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL!

LLORENTE! 2-2 #FiorentinaRoma pic.twitter.com/fvY06EmGK7

— AS Roma (@OfficialASRoma) March 10, 2024

Pas javës së 28-të, Roma mbetet në vendin e pestë me 48 pikë, ndërsa në xhiron e 29-të takohen me Sassuolon. /Telegrafi/