10 months ago
10
Gazeta EFSYN
_“Të shohim të gjithë pamjen e madhe” kërkon kancelari gjerman dhe fut në kornizë procedurën e shumicës së cilësuar, duke anashkaluar veton greke._
Lajme të këqija për synimet e qeverisë në çështjen Beleri vijnë nga Gjermania, ku Olaf Scholz mbështet hapur fillimin e negociatave të anëtarësimit me Shqipërinë dhe madje propozoi metodën e vendimmarrjes me procedurën e shumicës së cilësuar.
Deklaratat e Kancelarit gjerman mund të jenë më të “përgjithshme” për të gjitha vetot, por referimi si shembull i Shqipërisë “fotografon” zhvillimet e fundit dhe kërcënimin e Athinës për veto nëse nuk ka zhvillime në çështjen Beleri.
Olaf Scholz shprehu pakënaqësinë e tij për vonesën në procesin e integrimit, duke vënë në dukje se “është koha që ne të gjithë të shohim pamjen e madhe – dhe kjo vlen si për vendet kandidate ashtu edhe për vendet anëtare të BE”. U shpreh në favor të përshpejtimit të procedurave të anëtarësimit dhe vendimmarrjes me shumicë të cilësuar, akoma dhe në kuadër të procedurave të anëtarësimit. _*“Kur një vend ka avancuar nëpër reforma të gjera, si p.sh. në rastin e Shqipërisë, kjo duhet të njihet, përndryshe ekziston rreziku i pasojave të gjera në procesin e zgjerimit në tërësi, diçka që ne nuk mund ta lejojmë”*_, deklaroi ai në parlamentin gjerman.
https://www.efsyn.gr/kosmos/eyropi/415182_o-solts-zita-entaxi-albanias-akomi-kai-me-parakampsi-toy-ellinikoy-beto
English (US) ·