Sherr mes të rinjve në Vlorë, plagoset me thikë 23-vjeçari, nisin kërkimet për autorin

Një ngjarje e rëndë ka ndodhur sot në fshatin Kotë të Vlorës, ku një konflikt për motive të dobëta ka përfunduar me plagosjen e një të riu.

Shtetasi E. H., rreth 22 vjeç, dyshohet se ka plagosur me thikë 23-vjeçarin K. Sh., i cili aktualisht ndodhet nën kujdesin e mjekëve në spital.

Pas ngjarjes, shërbimet e Policisë kanë mbërritur menjëherë në vendngjarje dhe kanë nisur operacionin për kapjen e autorit të dyshuar.

Policia po vijon krehjen e zonës për të gjetur autorin.

Sakaq, grupi hetimor vijon punën për zbardhjen e plotë të rrethanave të ngjarjes.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb