1 year ago
19
“Shkodra Open 2023” është turneu botëror i tenisit që për herë të parë po zhvillohet në kryeqendrën e veriut, duke bërë bashkë të rinj e të reja nga 33 shtete të botës.
Një prej ngjarjeve më të rëndësishme sportive ndërkombëtare jo vetëm për të identifikuar talentet e ardhshme të tenisit, por gjithashtu për të krijuar një atmosferë të ndërsjellë mes kulturave dhe shoqërive të ndryshme.
Infrastruktura e përshtatshme për të pritur një ngjarje të tillë e bën qytetin më atraktiv për të ardhurit e huaj dhe vendas.
ALBAN DANI
“ADRIATIK TENNIS PARK”
Janë më shumë se 400 persona që kanë ardhur për këtë turne dhe e gjitha kjo përkthehet në të ardhura për qytetin e Shkodrës.
Gresi Bajri kampionia shkodrane kërkon një tjetër sukses ndërkombëtar në këtë turne, ndërsa 15-vjeçari shqiptar Skender Katana përfaqëson shtetin e Malit të Zi në këtë kompeticion me të njëjtat synime.
GRESI BAJRI
TENISTE E “SHKODRA TENNIS CLUB”-
Unë nuk synoj të fitoj vetëm një ndeshje, po punoj fort që pse jo të fitoj kampionatin
Erik Ndreu një shqiptar lindur e rritur në Angli e fitoi ndeshjen e parë të turneut dhe flet për emocionet e kësaj loje për të herë në parë në tokën shqiptare.
ERIK NDREU
TENIST
Hera e parë që jam në Shqipëri ku zhvillova edhe ndeshjen e parë timen këtu. Një vend mikëpritës, njerëzit miqësor ku u ndjeva vërtetë mirë. Shpresoj që në të ardhmen të luaj edhe për flamurin shqiptar. Kjo ishte një eksperiencë shumë e mirë.
ALEXANDRA MAGIA
TENISTE NGA GREQIA
Ishte një udhëtim i gjatë deri këtu, por kam qenë edhe dy herë të tjera më përpara në Shqipëri. Klubi është fantastik, organizimi i mirë dhe ka shumë mundësi këtu, pasi realisht edhe qyteti më ka pëlqyer. Një organizim i rëndësishëm pasi çdo sportist do të luajë në të tilla nivele.
Ky turne organizohet nga Federata Ndërkombëtare e Tenisit në bashkëpunim me autoritetet shqiptare të këtij sporti.
English (US) ·