Sindroma Alpha-gal, alergjia e mishit kërcënuese për jetën/ Shkak bëhet pickimi i rriqrave!

Dy raporte nga Qendrat për Kontrollin dhe Parandalimin e Sëmundjeve (CDC) zbulojnë boshllëqe të rëndësishme në njohuritë rreth sindromës alfa-gal, edhe pse kjo gjendje po rritet gjithnjë e më shumë.

Sindroma Alpha-gal është një sëmundje e shkaktuar nga rriqrat që çon në reaksione alergjike nga ngrënia e mishit të kuq, duke përfshirë mishin e lopës, drerit, derrit ose dhisë. Disa njerëz zhvillojnë gjithashtu alergji ndaj qumështit dhe nënprodukteve të tjera.

Cilat janë simptomat e sindromës alfa-gal?

Simptomat e sindromës alfa-gal mund të jenë të gjera, duke përfshirë:

-Nauze

-Ngërçe në stomak

-Diarre

Shpesh, njerëzit kruhen dhe zhvillojnë urtikarie. Ata mund të kenë mungesë fryme dhe madje të zhvillojnë anafilaksinë në raste ekstreme. Ndryshe nga alergjitë e tjera ushqimore, kruajtje dhe reagime të tjera tipike nuk janë të menjëhershme. Simptomat zakonisht nuk shfaqen deri disa orë pas ngrënies së mishit për shkak të ngadalësisë së tretjes së tij nga trupi. Kjo e bën të vështirë diagnostikimin dhe është një arsye që sindroma vazhdon të fluturojë nën radarin e shumë mjekëve.

Në një nga raportet e reja, 42% e 1500 mjekëve të anketuar nuk kishin dëgjuar kurrë për sindromën alfa-gal. Një një raport tjetër 35% e mjekëve thanë se nuk ishin të sigurt në aftësinë e tyre për të zbuluar ose trajtuar sëmundjen.

Mjekët në anketë ishin kryesisht ofrues të kujdesit parësor që nuk ishin të specializuar në alergji. Por janë këta mjekë tek të cilët pacientët zakonisht drejtohen të parët kur kanë simptoma të pazakonta. Nëse ata nuk njohin sindromën alfa-gal, një diagnozë mund të vonohet me vite, thonë ekspertët.

“Kjo e komplikon të kuptuarit tonë për numrin e vërtetë të rasteve,” tha Ann Carpenter, një epidemiologe e CDC dhe bashkëautore e raporteve të reja.

Një raport i dytë zbuloi se rastet e sindromës alfa-gal janë në rritje. Nga viti 2017 deri në vitin 2021, sipas  CDC, numri i rasteve të reja u rrit me rreth 15,000 çdo vit.

Dr. Erin McGintee, një mjeke alergjike dhe imunologjike në Nju Jork, tha se ajo ka vënë re rritjen e pacientëve me sindromën alfa-gal në më shumë se një dekadë më parë. Që atëherë, ajo ka trajtuar afërsisht 900 pacientë të tillë.

“Këtu në Hamptons, shumica e njerëzve njohin të paktën një person tjetër që ka këtë sindromën”, tha ajo.

Në mbarë vendin, më shumë se 110,000 raste janë zbuluar që nga viti 2010, tha CDC. Por kjo mund të jetë një nënvlerësim i madh. Agjencia dyshon se numri i personave të prekur mund të jetë deri në 450,000.

Çfarë është sindroma alfa-gal?

Gjaku i lopëve, drerëve, dhive dhe derrave përmban një molekulë specifike sheqeri të quajtur alfa-gal. Nuk gjendet tek njerëzit, peshqit apo zogjtë. Kur rriqrat ushqehen me ata gjitarë, alfa-gal hyn në pështymën e tyre. Më pas, alfa-gal mund të transmetohet te njerëzit përmes një pickimi të rriqrës.

Kur kjo ndodh, trupi njeh alfa-galin si një pushtues të huaj, duke prodhuar antitrupa që nxisin sistemin imunitar të bëhet alergjik ndaj tij. Më pas, një person i infektuar mund të sëmuret shumë pasi ka konsumuar diçka që përmban alfa-gal.

“Kur dikush zgjohet në mes të natës me kruajtje ose urtikarie, dhe më pas do të tentojë të përparojë në shqetësim gastrointestinal, ngërçe barku dhe diarre, mundt të jetë sëmurur me këtë sindromë”, tha Commins.

Top Channel