SpaceX dërgon në hapësirë anijen kozmike X-37B – ‘një nga sekretet më magjepsëse të ushtrisë amerikane’

Raketa gjigante e SpaceX, Falcon Heavy dërgoi në hapësirë një anije kozmike misterioze për ushtrinë amerikane që do të kryejë kërkime të fundit.

Siç raporton CNN, raketa e SpaceX u ngrit nga qendra hapësinore e NASA-s, Kennedy në Florida, duke transportuar aeroplanin hapësinor të ushtrisë amerikane, X-37B, transmeton Telegrafi.

X-37B është pa ekuipazh dhe funksionon me teknologji autonome në lartësi të paprecedentë.

Lansimi u transmetua drejtpërdrejt në faqen e internetit të SpaceX. Përforcuesit anësor të raketës u kthyen në Tokë dhe zbarkuan në mënyrë të sigurt.

Megjithatë, ende nuk dihet se ku po shkon aeroplani hapësinor.

Aktivitetet e X-37B në hapësirë kanë qenë prej kohësh subjekt i magjepsjes dhe spekulimeve në komunitetin hapësinor, derisa entuziastët në internet garojnë për të gjurmuar vendndodhjen e tij dhe për të ndarë teoritë rreth aktiviteteve të tij.

Duke ngjarë me një anije hapësinore miniaturë të NASA-s me dritare të errëta, X-37B e ripërdorshme dhe plotësisht autonome, ka qenë e njohur për kryerjen e kërkimeve mbi koncepte të tilla si transmetimi i energjisë diellore nga hapësira për përdorim në Tokë dhe studimi i efekteve të rrezatimit në farat e përdorura për të kultivuar ushqime.