“Stabiliteti në Ballkanin Perëndimor, shumë i rëndësishëm “, ministri i Jashtëm britanik në Prishtinë: Mbështesim fuqishëm sovranitetin e Kosovës

Ministri i Punëve të Jashtme i Britanisë së Madhe, David Cameron në një konferencë për media tha se ndodhet në Prishtinë për të mbështetur, promovuar dhe ndihmuar shtetin e Kosovës në të gjitha mënyrat që munden.

Cameron të mërkurën mbrëma ka arritur në Prishtinë, ndërsa ka takuar kryeministrin Albin Kurti.

Ai sot në orët e mëngjesit është takuar me ministren e Punëve të Jashtme, Donika Gërvalla.

Cameron në një konferencë të përbashkët tha se ndodhet këtu për të shprehur mbështetjen, ndihmën dhe promovimin nga Britania e Madhe për shtetin e Kosovës, raporton Telegrafi.

“Ne folëm këtë mëngjes për sigurinë dhe rëndësinë e kontributin që mund të japim në këtë drejtim, duke pasur parasysh edhe rolin e madh që kemi në kuadër të KFOR-it”, tha ai.

Cameron bëri të ditur se kanë folur edhe për trajnimin e disa pjesëtarëve të FSK-së në Britani, çështjet ekonomike, luftimin e korrupsionit, etj.

“Ne jemi mbështetës të fuqishëm të pavarësisë dhe sovranitetit të Kosovës….”, tha ndër të tjera, ministri britanik.

Sipas tij, stabiliteti në Ballkanin Perëndimor është shumë i rëndësishëm dhe Britania e Madhe ka investuar shumë në këtë drejtim.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb