Sulmi në Banjskë/ Hasani: Na janë paraqitur fakte nga ndërkombëtarët që presim të bëhen publike

Gjatë konferencës për media në kuadër të vizitës së tij në Prishtinë, ministri i Jashtëm i Shqipërisë, Igli Hasani lidhur me situatën e sulmit në Banjskë me 24 Shtator u shpreh se po e ndjek me shumë vëmendje.

Hasani u shpreh se janë paraqitur fakte nga ndërkombëtarët që pritet të bëhen publike.

Igli Hasani: Ne jemi në kontakt të vazhdueshëm dhe diskutime me frekuencë të lartë me partnerët ndërkombëtar. Po e ndjekim me shumë vëmendje situatën dhe na janë paraqitur fakte të cilat presim të bëhen publike, Kjo do të thotë që Shqipëria jo vetëm e ka në fokus atë që ka ndodhur me 24 Shtator në veriun e Kosovës, por vazhdon të kërkojë nxjerrjen para përgjegjësisë të të gjithë personave të implikuar. Pët këtë do të lejmë kohën e nevojshëm dhe të domosdoshme partnerëve tanë që t’i shprehin këto fakte publikisht dhe të dalin në qëndrimet që duhen mbajtur.

Ndërkohë i pyetur lidhur me draft-statutin e Asociacionit të propozuar nga kryeministri Edi Rama, ministri Hasani u shpreh se ka avancime dhe se Shqipëria do të ofrojë gjithmonë zgjidhjet më të mira për Kosovën dhe të ardhmen e saj.

Igli Hasani: Kam përshtypjen se kemi avancuar. Ka një pranim nga ana e kryeministrit Kurti të një formule e cila me 26 Tetor në Bruksel është vendosur në tavolinë. Shqipëria gjithmonë do të ofrojë zgjidhjet më të mira për Kosovën, të ardhmen e saj. Kushtetuta juaj ka qenë baza e atij propozimi të Tiranës dhe ne shpresojmë që çdo element i saj të jetë në funksion të së mirës dhe të ardhmes së Kosovës.

Të ngjashme