Sydney Sweeney thotë se sezoni i tretë i “Euphoria” do të nisë së shpejti xhirimet

6 months ago 16

Sydney Sweeney befasoi fansat kur dha një sugjerim për sezonin e tretë të shfaqjes “Euphoria”.

Ylli i kërkuar, 26 vjeç, tha për episodet e reja, “Do të jetë shumë, shumë i egër”, në një intervistë me “Who, What, Wear”.

Aktorja, e cila luan si Cassie Howard në serialin fitues të “Emmy”, tha se nuk ishte e shqetësuar për sasinë e kohës që kishte kaluar që nga përfundimi i sezonit të dytë në shkurt 2022, shkruan DailyMail.

“Në fakt më pëlqen sepse ka shumë hapësirë për rritje si për mua si person ashtu edhe për Cassie si personazh,” shpjegoi ajo.

Publikimi shtoi se Sweeney i informoi ata se xhirimet në sezonin e tretë do të nisin shumë shpejt.

Gjatë bisedës së fundit të Sydney Sweeney me Josh Horowitz në qytetin e New York, aktorja e “Anyone But You” diskutoi për shfaqjen popullore.

Prodhimi pritet të nisë shumë shpejt, megjithëse detajet e komplotit po mbahen të fshehta.

“Sinqerisht, është po aq e frikshme sa të flasësh për Marvel-in”, tha Sweeney me shaka.

Horowitz i tha asaj se fansat janë shumë të emocionuar për sezonin e ri, gjë që bëri që Sweeney të thoshte: “Edhe unë jam i emocionuar”. /Telegrafi/