Talat Xhaferi kryeministër i RMV, Hasani: Besimplotë se do të përmbushë angazhimet dhe detyrimet e programit qeveritar

Ministri për Europën dhe Punët e Jashtme, Igli Hasani në një postim në rrjetin social “X” i ka uruar suksese kryeministrit të parë shqiptar në historinë e Maqedonisë së Veriut, Talat Xhaferi.

Në postim Hasani thekson se është besimplotë se Kryeministri Talat Xhaferi dhe kabineti i tij qeveritar do të përmbushin angazhimet dhe detyrimet e programit qeveritar.

“Besimplotë se Kryeministri Talat Xhaferi dhe kabineti i tij qeveritar do të përmbushin angazhimet dhe detyrimet e programit qeveritar, që nga organizimi i zgjedhjeve të lira, të ndershme e demokratike, vijimi i punës për realizimin e proceseve që dalin nga negociatat për anëtarësim me BE-në dhe përshpejtimi i integrimit evropian, rritja dhe zhvillimi i ekonomisë dhe lufta kundër krimit dhe korrupsionit”, shkruhet në postimin e ministrisë për Evropën dhe Punët e Jashtme./tvklan.al

Të ngjashme