“Të ndërgjegjësojmë atë grup të vogël që përçarja nuk është rruga e duhur”, Bardhi takime në Elbasan: 20 shkurti, dita ku shqiptarët do të japin mesazhin se…

Kreu i grupit parlamentar të Partisë Demokratike, Gazment Bardhi ka zhvilluar takime në Elbasan, duke theksuar se përçarja nuk është rruga e duhur. Sipas Bardhit, 20 Shkurti  është dita ku shqiptarët do të japin mesazhin se e duan këtë vend.

Reagimi i plotë:

Besimplotë dhe i inkurajuar nga takimi me demokratët e Elbasanit. Ka një pjesë të vogël prej nesh që mendojnë akoma se rruga e bashkimit nuk është rrugë e duhur! Nuk do të duhet ti flasim as me mllef e as me inat, miqve e shokëve që kemi bërë beteja me ta. Kemi një detyrë! Ti ndërgjegjësojmë se përçarja nuk është rruga e duhur. Ti ndërgjegjësojmë të jenë krah nesh, përballë Edi Ramës. 20 Shkurti  është dita ku shqiptarët do të japin mesazhin se e duan këtë vend. Mbetet detyrë e jona të luftojmë dhe të jemi në pritshmëritë që shqiptarët kan për Partinë Demokratike. Sa herë jemi bashkuar kemi treguar se e mundim të keqen.

Të bëhemi bashkë ditën e martë, datë 20 Shkurt, ora 17:30, përpara Kryeministrisë. Të nisim një rrugëtim për një Shqipëri pa krim dhe korrupsion, për një qeveri të qytetarëve!

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb