Trafik droge dhe pastrim parash/ Operacion ndërkombëtar në Itali, Shqipëri, Zvicër e Poloni! Lëshohen 61 masa arresti

61 masa arresti janë duke u zbatuar momentalisht në Itali, Shqipëri, Zvicër dhe Poloni.

Lajmi bëhet i ditur nga mediat italiane, ku sqarohet se kjo vjen pas një hetimi të gjatë dhe koordinimit mes autoriteteve ligjzbatuese italiane, me Europol, Eurojust, , Zyrës së Ekspertit të Sigurisë pranë Ambasadës Italiane në Tiranë, dhe forcave policore shqiptare, polake dhe zvicerane

Personat janë nën hetim për krijimin e një organizate kriminale me qëllim trafikun ndërkombëtar të drogës, e cila dyshohet se ka pastruar edhe fitimet nga aktiviteti i paligjshëm.

Organizata dyshohet se ka pastruar fitimet e paligjshme përmes një sistemi të provuar të “faturave për operacione joekzistente”.
Ndaj personave nën hetim janë lëshuar urdhra për sekuestrim parandalues, me qëllim konfiskimin e pasurive me vlerën totale mbi 60 milionë euro, si produkte të veprave kriminale.

Detaje të tjera pritet të bëhen të ditura në orët në vijim.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb