Tre ditë pas marrjes së detyrës, Cameron vizitë zyrtare në Ukrainë, takohet me Zelenskyn

Tre ditë pas emërimit në këtë detyrë, sekretari i ri i Jashtëm David Cameron ka bërë vizitën e tij të parë të punës në Ukrainë, duke takuar presidentin Volodymyr Zelensky në Kiev.

Cameron përsëriti angazhimin e Mbretërisë së Bashkuar për të mbështetur Ukrainën gjatë luftës.

Ai premtoi të vazhdojë “mbështetjen morale, diplomatike, ekonomike, por mbi të gjitha ushtarake” të Mbretërisë së Bashkuar. Zelenksy falënderoi Cameron për mbështetjen e Mbretërisë së Bashkuar.