Trupat izraelite djegin ndihmat në Gaza

Në Rafah nga Sulmet mbeten të vrarë 22 persona, SHBA sërish i ka bërë thirrje Izraelit të vlerësojë mbrojtjen e civilëve

Dy video janë shfaqur gjatë ditëve të fundit që tregojnë trupat e Forcave të Mbrojtjes të Izraelit (IDF) duke shkatërruar dyqanet në Gaza.

Një video tregon ushtarët në lagjen Shejaiya në veri të Gazës që u vënë zjarrin ndihmave në pjesën e pasme të një kamioni i cili ka shishe uji dhe kuti kartoni. Njëri prej ushtarëve dëgjohet duke bërë shaka për çmimin e artikujve, ndërsa i hedh ato rreth ndërtesës dhe i shkatërron.

Kjo vjen pas pasi u shfaqën disa grupe burrash palestinezë të paarmatosur pa rroba dhe të lidhur. Pas këtyre dy videove, Forcave të Mbrojtjes të Izraelit kanë ndërmarrë masa për sjelljet e pahijshme që nuk përputhen me moralin dhe vlerat e ushtarëve.

Ndërkaq kufiri Rafah u shndërrua në një arenë luftimesh të përgjakshme. 22 civilë u vranë në mesin e të cilëve ishin shtatë fëmijë, ndërsa dhjetra të tjerë u plagosën. Bombardimet rreth Rafah, ku ushtria izraelite këtë muaj urdhëroi njerëzit të niseshin për sigurinë e tyre, janë nga më të rëndat në ditët e fundit.

Në Khan Younis, bombardimet me tanke u fokusuan në qendër të qytetit, ku një prej liderëve të Hamasit mbeti i vrarë. Presioni ndërkombëtar po rritet për krizën humanitare dhe SHBA-ja i ka kërkuar sërish Izraelit të vlerësojë maksimalisht mbrojtjen e civilëve në Gaza.

Pjesa më e madhe e Gazës veriore është zhdukur dhe qindra mijëra janë arratisur drejt zonave të ashtuquajtura të sigurta në jug që po pakësohen gjithnjë e më shumë. Sistemi i kujdesit shëndetësor dhe operacionet e ndihmës humanitare janë shembur në pjesë të mëdha të Gazës dhe punonjësit e ndihmave kanë paralajmëruar për uri akute dhe përhapjen e sëmundjeve në strehimoret e mbipopulluara dhe kampet.

Ndërkaq forcat izraelite vranë katër palestinezë në qytetin e pushtuar të Bregut Perëndimor të Jeninit gjatë një sulmi me dron. Zyrtarët palestinezë kanë thënë se rreth 270 palestinezë janë vrarë që nga shpërthimi i luftës më 7 Tetor.

Shefi i politikës së jashtme të Bashkimit Evropian Josep Borrell akuzoi Izraelin se po përdor të njëjtat taktika në jug të Gazës me ato që përdori në veri. Borrelli kritikoi gjithashtu Shtetet e Bashkuara, të cilat së fundi vunë në Këshillin e Sigurimit të OKB-së veton ndaj thirrjes për një armëpushim të ri humanitar për Rripin e Gazës. Borrell  u zotua se do të paraqesë gjthashtu një propozim për të vendosur sanksione ndaj izraelitëve që jetojnë në vendbanimet ilegale në Bregun Perëndimor ku dhuna po bëhet alarmante.

Klan News

Të ngjashme