Turbulenca të forta gjatë udhëtimit me aeroplan Londër-Singapor, humb jetën një person dhe mbi 30 të lënduar

Një person ka humbur jetën dhe mbi 30 tjerë janë lënduar, gjatë fluturimit me aeroplan të aviokompanisë Singapore Airlines që po udhëtonte nga Londra dhe u godit nga turbulencat.

Bëhet fjalë për aeroplanin Boeing 777-300ER që u drejtua drejt Bangkokut ku edhe aterroi, transmeton Telegrafi.

Aeroplani i linjës SQ 321 po transportonte 211 pasagjerë dhe 18 anëtarë të ekuipazhit.

“Singapore Airlines i shpreh ngushëllimet më të sinqerta familjes të prekurve nga ky incident”, u tha në kumtesën e aviokompanisë.

Ata gjithashtu shtuan se janë duke punuar me autoritetet tajlandeze për t’ju ofruar asistencë shëndetësore pasagjerëve.

Autoritetet tajlandeze kanë dërguar autoambulanca dhe ekipe emergjente drejt aeroporti Suvarnabhumi.

Por mbetet e paqartë se çfarë saktësisht kishte ndodhur brenda aeroplanit gjatë fluturimit.

Turbulenca është një fakt i fluturimit – megjithatë incidente të rënda si ky janë të rralla, dhe një fluturim me turbulenca zakonisht nuk është asgjë për t’u shqetësuar. /Telegrafi/