U arratis në Shqipëri me asetet e investitorëve, Faruk Ozer dënohet me 11.196 vjet burg

Faruk Fatih Ozer, 29-vjeç u arratis në Shqipëri në vitin 2021 me asetët e investitorëve kur kriptovaluta e tij Thodex kolapsoi, transmeton Telegrafi.

Ai u ekstradua përsëri në Turqi gjatë muajit qershor dhe u shpall fajtor për pastrim parash, mashtrim dhe krim të organizuar.

Ozer i tha gjykatës se “nuk do të kishte vepruar kaq në mënyrë amatore” nëse qëllimi i tij ishte kriminal.

“Jam mjaft i zgjuar për të udhëhequr çdo institucion në Tokë. Kjo është e dukshme në këtë kompani që kam themeluar në moshën 22-vjeçare”, citohet të ketë thënë ai.

Në këtë gjyq të shkurtër në Stamboll u shpallën gjithashtu fajtorë edhe motra e tij Serap si dhe vëllai i tij Guven për të njëjtat akuza.

Dënime të tilla të jashtëzakonshme me burg janë mjaft normale në Turqi që nga heqja e dënimit me vdekje në vitin 2004 për të çuar përpjekjet për t’u bashkuar me Bashkimin Evropian.

Top Channel