U arrestuan se spiunuan për BIA-n serbe/ Eksperti i sigurisë: Ky është një mesazh ‘i fortë’ për politikën e Beogradit, që çdo tentativë...

Dje, Prokuroria Speciale e Kosovës (PSRK) në bashkëpunim me Policinë e Kosovës dhe AKI-në, ka kanë arrestuar dy persona me nënshtetësi të Kosovës, të dyshuar për kryerjen e veprës penale “Spiunazhi”.

Të arrestuarit tashmë janë Muharrem Qerimi dhe Bedri Shabani.

U raportua se që të dy ata dyshohen se kanë spiunuar për Agjencinë Serbe të Sigurisë dhe Informacionit (BIA).

Ata tashmë janë ndaluar për 48 orë me vendim të prokurorit. Derisa, Prokuroria tha se ndaj tyre do t’i ndërmarrë “të gjitha veprimet e nevojshme hetimore”.

Pas kësaj, ka reaguar edhe BIA serbe. Ajo ka mohuar "çdo lidhje me personat e arrestuar në Kosovë".

Ekspreti i sigurisë, Drizan Shala, në një prononcim për “Bota sot”, ka përgëzuar AKI-në për punën e bërë dje, duke thënë se po zbaton në përpikëmëri mandatin që ka në mbrojtjen e integritetit e Kosovës.

“Agjencioni i Kosovës për Inteligjencë edhe njëherë e dëshmoj që është në krye të detyrës duke zbatuar në përpikëmëri mandatin që ka në mbrojtjen e integritetit dhe ruajtjes së sigurisë nacionale të Republikës së Kosovës.

Në shumicën e rasteve puna e këtij institucioni nuk është vë në pah aq sa ish desht apo ma mirë të themi me atë se çka mirret dhe si ajo i trajton veprimet e individëve, grupeve dhe shtetet që kanë target interferimin në jetën publike e politike të vendit përmes formave dhe mënyrave të ndryshe nga ato të ngritjes së kolaboracionistët deri te veprimet e rekruetimit të informatoreve, bashkëpunëtorëve brenda shoqërisë dhe institucioneve kosovare”, thotë ai.

Për veprimin e ditës së djeshme, Shala thotë se është edhe një mesazh për Serbinë, se çdo tentativë në të ardhme do të marrë përgjigjen e njejtë.

“Pra, veprimi i djeshëm në komunën e Ferizaj edhe njëherë na pasqyrohet që institucioni sikur AKI-ja dhe mekanizma të tjerë janë të domosdoshme në nivelin politik qeveritar të marrin pozicionin e tyre që ndërlidhet me mbështetjen e pa rezervë ku dihet që ky operacion i zhvilluar nga ta është edhe një mesazh për politikën e Beogradit që çdo tentativë e ardhshme do të marrë përgjigjen e njejtë por njëherit gjitha ata bashkëpuntorë dhe informatorë e deri te agjent sekret nga BIA që mund të jenë në Kosovë nga ky operacion mund të kuptojnë që veprimtaria e tyre brenda territorit të Republikës së Kosovës nuk mund të kaloj pa u diktuar nga AKI dhe mekanimzat të tjerë të sigurisë”, përfundon ai.