U kap brenda “shtëpisë së barit” me mbi 160 mijë paundë kanabis, përfundon në pranga i riu shqiptar

Një operacion antidrogë në Winsford ka zbuluar një plantacion kanabisi me një vlerë të përllogaritur prej 168,000 paundësh.

Sipas autoriteteve, në vendngjarje është gjetur një “plantacion i madh kanabisi”. Një zëdhënës i policisë, duke postuar në rrjetet sociale, tha: “Energjia elektrike ishte vjedhur, duke rritur rrezikun për zjarr në këtë pronë gjysmë të ndarë, që mund të kishte pasur pasoja të rënda për banorët e shtëpisë përballë.”

Raportohet se në pranga ka përfunduar një shtetas shqiptar, i identifikuar si Neim Hoxha, 27 vjeç.

I riu është akuzuar në lidhje me sasinë e drogës dhe është lënë në burg.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb