Ukraina po përballet me bombardimet nga ajri dhe sulmet kibernetike

Përveç sulmeve në hapësirën kibernetike, Ukraina sot po përballet edhe me bombardimet nga ajri.

Gati 600 predha ruse dhe raketa ranë “si shiu” në një rajon jugor – në një ditë kur hakerët e paidentifikuar sulmuan shërbimet telefonike dhe të internetit.

Një person u vra dhe katër u plagosën gjatë 24 orëve të bombardimeve ruse në rajonin jugor Kherson të Ukrainës, sipas Oleksandr Prokudin, kreu i administratës ushtarake rajonale.

Numri i predhave të lëshuara në Kherson ishte më i larti për të paktën dy javët e fundit, raporton skynews.

Autoritetet lokale kanë thënë se nga 200 deri në 500 predha lëshohen çdo ditë drejt rajonit. Breshëritë me rreze të gjatë kanë qenë karakteristikë e luftës 21 mujore.

Ndyshe, dimri fillon dhe pengon lëvizjet e trupave nga të dyja anët, artileria, raketat dhe dronët po luajnë një rol në rritje. /Telegrafi/