Ukraina rrëzoi 30 nga 31 dronët e lëshuar nga Rusia gjatë natës

Sipas një njoftimi nga Forcat Ajrore, Ukraina ka arritur një sukses të rëndësishëm duke shkatërruar 30 nga 31 dronët e tipit Shahed, të lëshuara nga Rusia gjatë natës.

Sulmet ishin pjesë e një faze të re të tensioneve midis dy vendeve, dhe erdhën pas një paralajmërimi nga autoritetet ukrainase për një përshkallëzim të mundshëm të sulmeve ruse gjatë dimrit.

Dronët u lëshuan nga territore të ndryshme, duke përfshirë edhe nga Krimea.

Ato u rrëzuan mbi 11 rajone në Ukrainë, dhe si cak kishin Kievin, Khersonin, Poltava-n, Cherkasy-n, dhe Khmelnytskyi-n.

Forcat Ajrore ukrainase reaguan shpejt dhe shkatërruan shumicën e dronëve para se ata të arrinin në zonat e synuara.

Autoritetet ukrainase kanë vazhduar të paralajmërojnë për mundësinë e sulmeve të reja nga Rusia, dhe kanë paralajmëruar banorët që të qëndrojnë në strehimoret e bombave. /Telegrafi/