Vdekja e Egli Progës/ Salianji-ministrit Hoxha: U ndërhy në skemën e krimit për të prishur provat. Përgjigja e ministrit

Është shoqëruar me debate mbledhja e sotme në Komisionin e Sigurisë, ku ishte i pranishëm ministri i Brendshëm Ervin Hoxha.

Deputeti i PD Ervin Salianji i tha Hoxhës se në ngjarjen e rëndë të Pogradecit, ku ndërroi jetë Egli Proga nga dhuna barbare, është ndërhyrë në skemën e krimit, për të prishur provat.

Ministri u përgjigj se në ngjarjen e Pogradecit është hedhur baltë mbi Policinë e Shtetit. Ai tha se ngjarja u shndërrua papritur në një krizë.

Ervin Salianji: Në lidhje me ngjarjen e Pogradecit, pa pikë turpi thatë se ngjarja ishte aksidentale. U ndërhy në skenën e krimit për të prishur provat.

Ervin Hoxha: Mbi ngjarjen e Pogradecit u hodh baltë mbi policinë. U shndërrua nga një ngjarje në një krizë. Veprimet e policisë ishin në përputhje të plotë me ligjin. Policia ishte në lartësinë e duhur. Gara për kreun e Policisë së Shtetit është transparente.

(Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb