VIDEO/ Momenti kur 31-vjeçari filmohet duke vjedhur në një dyqan në Durrës, arrestohet nga policia

Një 31-vjeçar i shpallur në kërkim nga policia përfundoi në pranga. Saleo Kiptiu nga Durrësit ka kryer të paktën tri vjedhje gjatë ditëve të fundit.

Njoftimi:

Si rezultat i kontrolleve të ushtruara në zbatim të operacionit policor kombëtar “Sundimi i ligjit”, kapet një 31-vjeçar i shpallur në kërkim.

31-vjeçari, i dënuar më parë për vjedhje të tjera, dyshohet se ka vjedhur në 3 biznese, në Durrës, gjatë ditëve të fundit.

Si rezultat i kontrolleve dhe veprimeve hetimore të kryera në kuadër të operacionit policor “Sundimi i ligjit”, specialistët për Hetimin e Krimeve të Komisariatit të Policisë Durrës kanë kapur dhe ndalur shtetasin e shpallur në kërkim:

Saleo Kiptiu, 31 vjeç, banues në Durrës, i dënuar më parë për veprën penale “Vjedhja”.

Nga veprimet hetimore dyshohet 31-vjeçari:

-më datë 02.12.2023, ka tentuar të vjedhë në një dyqan, në lagjen nr. 11;
-po më datë 02.12.2023, ka vjedhur xhiron ditore të një dyqani, në lagjen nr. 12;
-më datë 06.12.2023, ka vjedhur xhiron ditore dhe disa pije, në një lokal, në lagjen nr. 3.

Vijon puna për zbardhjen e vjedhjeve të tjera që mund të ketë kryer shtetasi S. K.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Vjedhja”, kryer më shumë se një herë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb