VIDEO/ Pas Dhërmiut zjarri përfshin edhe Qafën e Llogarasë, flakët masive rrezikojnë kurorën e gjelbër

Qafa e Llogarasë së bashku me Dhërmiun janë prekur ditën e sotme nga flakë masive, të cilat ende nuk janë shuar.

Pavarësisht ndërhyrjes së forcave zjarrfikëse, por edhe ndihmës nga Forcat Ajrore, flakët në Qafën e Llogarasë vijojnë të djegin bimësinë.

Në pamjet e publikuara nga gazetari Blendi Fevziu shfaqen flakët, të cilat në orët e natës po rrzikojnë kurorën e gjelbërt të Llogarasë.

Po ashtu flakët kanë krijuar probleme edhe me qarkullimin e automjeteve në këtë zonë, me Ministrinë e Mbrojtjes që u ka bërë apel të gjithë drejtuesve të evitojnë këtë aks.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb