10 months ago
35
Mesfushori realizoi të parin në kampionatin italian, i jep fitoren Lecce
Fundjavë që do kujtohet gjatë për Ylber Ramadanin. Mesfushori i kombëtares shqiptare shënoi golin e fitores që Lecce regjistroi 2-1 ndaj Frosinone. Një supergol nga ana e futbollistit kuqezi, që gjeti kështu edhe rrjetën e parë në Serie A.
Kur po kronometrohej minuta e 88-të e sfidës dhe rezultati ishte mbërthyer në barazim, Ramadani lëshoi një silurë të vërtetë nga rreth 30 metra.
Festë legjitime për 27-vjeçarin, që i jep kështu tre pikëshin e radhës skuadrës së tij. Në stol në radhët e Lecce qëndroi shqiptari, Medon Berisha, teksa tek Frosinone mungonte Marvin Çuni. Me këtë fitore skuadra puljeze parakaloi në renditje pikërisht Frosinone në kuotën e 20 pikëve.
Kjo ishte fitorja e katërt në kampionat, me Ramadanin që është shndërruar në liderin e vërtetë të mesit të fushës.
Klan News
Të ngjashme
English (US) ·