1 month ago
8
Profesori dhe analisti politik, Sulejman Mehazi ka reaguar ndaj ndërkombëtarëve, të cilët po reagojnë ashpër ndaj qeverisë së Kosovës, e cila po dëshiron që të hapë urën e Ibrit për lëvizje e automjeteve.
Mehazi këtë e quan marrëzi të ndërkombëtarëve të cilët sipas tij, hyjnë aq brenda kushtutës së Kosovës, jo për gjëra të mëdha shtetërore, por minore e djallëzore.
Profesori thotë se, në vend që të përkrahin kryeministrin e Kosovës, Albin Kurtin, për gjestin human e dashuror, hapjen e urës së Ibrit që është në dobi të qytetarëve të Mitrovicës, BE-ja bën të kundërten shpreh dehumanizëm të turpshëm duke iu vërsulur kryeministrit të Kosovës, Kurtit, si hienat ndaj viktimës.
“Në gjithë botën urat bëhen për të bashkuar e kaluar qytetarët lirshëm nga andaj e këndej, kurse ura e Ibrit për egërsirat e BE-së është ndalesë, urë ndarjesh për qytetarët e Mitrovicës. Në këtë rast BE-ja e Serbisë me mos lejimin e hapjes së urës krijon ndarje apartaidesh. Dihet qëllimi i mos hapjes së urës, qëllimi i gjithë kësaj është frika e ushtarëve ndërkombëtarë të KFOR-it dhe EULEX-it, një, nga terroristët serbë, dy, me hapjen e urës së Ibrit forcat ushtarake ndërkombëtare nuk kanë pse të rrinë në Kosovë, tre, ju shteren bizneset e egra korruptive të oficerëve të lartë të KFOR-it dhe EULEX-it”, thotë Mehazi.
Ai shton se, shkaku i ndejës së KFOR-it në veri të vendit pikërisht është ura e Ibrit.
“Me hapjen e urës. kryeministri, Albin Kurti, ua prish ndërkombëtarëve rendin e sigurisë dhe rahatisë korruptive, ata nuk duan që Albin Kurti të udhëheq përtej urës, nuk duan që në veri të pyetet qeveria e Kosovës, por ata duke e konsideruar veriun si mall të tyre”.
“Guximi i kryeministrit të Kosovës, Albin Kurtit, tregon se ai është i paprekshëm edhe pse sulmohet nga Serbia, BE-ja e SHBA-të, ai vazhdon të mbrojë në mënyre dinjitoze sovranitetit e Kosovës, mos ndoshta përkrahet nga ndonjë forcë e madhe politike, diplomatike e ushtarake, siç është Britania e Madhe?!”, përfundon profesori Sulejman Mehazi.
English (US) ·