1 week ago
28
Veprimtari dhe publicisti, Idriz Zeqiraj në një prononcim për ‘Bota sot’, duke folur për këtë kohë afër zgjedhjeve, ka kritikuar analistët politikë, duke thënë se kanë humbur sensin e masës. Ai në këtë rast ka cituar analistin politik, që dikur ishte edhe kryetar i Lëvizjes Vetëvendosje, Visar Ymerin.
“Gërdia për shumësinë e "analistëve", ka kulmuar në opinion, në atë përmasë, sa i fusin të gjithë në emërtesën pezhorative -banalistë-. Ata duke qenë në shërbim të padronëve të tyre, respektivisht të PAN-it, kanë humbur sensin e masës, duke glacuar marrëzishëm, madje pa u skuqur fare. Lukunia e "analistëve" kolektiv dhe unik, në shërbim të PAN-it, në raste të pakta, njëri nga paneli shprehë opinion të kundërt, sa për ta "nxehur" debatin! Citojmë vetëm njërin syrësh, Visar Ymerin, i cili, në njërin nga debatët e fundit, tha: "Kështu duhet të jetë përbërja e qeverisë së ardhshme", duke përcaktuar se "e duhur për Kosovën do të ishte formimi i një qeverie prej partive opozitare!" Me arsyetimin se, gjoja, "Kosovës i duhet stabilitet, bashkëpunim e zhvillim!", thekson ai.
Ai thotë se Ymeri po lobon për PAN-in, ndonëse është i bindur se ‘komandantët’ e inkriminuar nuk mund ta mundin.
Idriz Zeqiraj
“Thënë troç, Visari lobon për PAN-in, i donë "komandantët", sërishmi", në pushtet, madje, hiç më pak se "dy mandate!" Analisti elitë i përnatshëm, Visar Ymeri, amniston, madje në grup, PAN-in, i cili për dy dekada qeverisjeje kriminale, të shoqëruar me krime vrastare politike; hajni zyrtare industriale; shkatërrim të institucioneve, deri në rrezikim të zhbërjes të shtetit. Ai është i vetëdijshëm se ish-bashkëpartiakun e tij, Albin Kurtin, tashmë, "fenomeni Kurti", "komandantët" rrast të inkriminuar nuk mund ta mundin. Andaj, bashkimi i opozitës, përfshi edhe LDK-në, "e ka shansin e artë", siç shprehet ai, për ta hequr qafe Kurtin me Vetëvendosjen e tij”, thotë Zeqiraj.
Ai thotë ndër të tjera se, dihet botërisht, LDK-ja nuk ka pasur as struktura të krimit vrastar dhe as hajnor të organizuar, siç e ka, realisht, PAN-i.
“Por, bartë fajësinë e mbajtjes në pushtet të partive-banda, të koalicionuara në PAN. Edhe pse këtë e bëri një klan, rreth vicioz, brenda LDK-së, i katapultuar me shantazh e terror, në kupolën partiake, megjithatë heshtja nuk justifikohet”, thotë ai.
Zeqiraj thotë poashtu se akuza e opozitës se "Kurti mashtroi shqiptarët e Kosovës, me slloganin e Bashkimit Kombëtar", është lajthitje e qëllimshme e saj, për të mos e përmendur premtimin e madh dhe të shumëpritur nga shqiptarët e përbotshëm: "Kriminelët dhe hajnat në burg".
“Parulla e "bashkimit kombëtar", në atë kohë të pakohë, ishte fajësi e Kurtit me shokë. Sepse ishte dhe është sikur t`i thuash Serbisë dhe ndërkombëtarëve: "Ejani ta ndajmë Kosovën", siç loboi Hashimi me PAN-in e tij, dje dhe sot, duke paguar edhe agjenësi lobuese, që nga Neë York-u e deri në Paris, tashmë, të konfirmuara dhe me dokumente pagese, fakte që bartin elementin e krimit, deri në tradhti kombëtare”, vlerëson Zeqiraj për ‘Bota sot’.
English (US) ·