Zyrtare: Goli i Alejandro Garnachos ndaj Evertonit shpallet më i miri i sezonit në Ligën Premier

Vetëm një ditë pasi shënoi në finale të FA Cup në ‘Wembley’, Alejandro Garnacho ka edhe diçka më shumë për të festuar.

Argjentinasi ka fituar çmimin ‘Goli më i mirë i sezonit’ në Ligën Premier falë super golit që ka shënuar ndaj Evertonit vitin e kaluar.

Ky gol që tashmë është shpallur më i miri i sezonit, ishte emëruar si goli më i mirë i muajit nëntor, muaj kur ishte zhvilluar ndeshja mes Evertonit dhe Manchester United, që përfundoi me rezultat 3-0 në të mirë të ‘Djajve të Kuq’.

Për të fituar këtë çmim, në garë ishin edhe tre lojtarë të tjerë të Manchester Unitedit, por mund të themi se Garnacho e fitoi me shumë meritë.

Garnacho bicycle kick vs Everton. If this goal doesn’t win the Puskas for 2024, Garnacho has been robbed. pic.twitter.com/uLW5cidAPS

— Commodore (@TheWavyRed) May 18, 2024

Bruno Fernandes ishte në mesin e kandidatëve falë super golit të shënuar me vollej goditje ndaj Burnleyt në muajin tetor, ndërsa pjesë e listës ishin edhe Kobbie Mainoo me golin e shënuar ndaj Wolvesit në muajin shkurt si dhe Marcus Rashford me golin ndaj Manchester Cityt në ‘Etihad Stadium’ gjatë muajit mars.

Goli që kishte shënuar Garnacho ishte pothuajse i ngjashëm me atë që kishte shënuar Ëayne Rooney ndaj Manchester Cityt dhe që konsiderohet si goli më i mirë në histori të Ligës Premier./Telegrafi/

Breathtaking. 😮‍💨

Alejandro Garnacho’s bicycle kick against Everton is the 2023/24 @BudFootball Goal of the Season!#PLAwards | @agarnacho7 pic.twitter.com/rfRjJxIZrW

— Premier League (@premierleague) May 26, 2024