Zyrtare: Luis Suarez prezantohet si lojtar i Inter Miamit

Inter Miami ka konfirmuar zyrtarisht nënshkrimin me Luis Suarez, i cili bashkohet me klubin amerikan si lojtar i lirë.

Tani shkon në katër numri i lojtarëve legjendarë të Barcelonës që do të luajnë për Inter Miamin.

Verën e kaluar Lionel Messi bëri bujë kur nënshkroi për Inter Miami, ndërsa pas tij u bashkuan Sergio Busquets dhe Jordi Alba.

Oficial: Bienvenido a casa, @LuisSuarez9🏠

We have signed Uruguayan striker Luis Suárez to a contract running through the 2024 Major League Soccer season!

Details: https://t.co/SlaFVn0XM0 pic.twitter.com/1mLJs0a78i

— Inter Miami CF (@InterMiamiCF) December 22, 2023

Të katër legjendat e Barçës fituan Ligën e Kampionëve në Barcelonë në 2015. Që atëherë, Blaugrana ende nuk ka vënë dorë mbi trofeun me veshët e mëdhenj.

Suarez ka nënshkruar një marrëveshje njëvjeçare me Inter Miami me një opsion për të qëndruar edhe për një vit tjetër.

Njëri nga pronarët e klubit, David Beckham është shprehur i lumtur me ardhjen e Luis Suarez.

El comienzo de un nuevo sueño ⭐ pic.twitter.com/MG5DvX0Hbm

— Inter Miami CF (@InterMiamiCF) December 22, 2023

“Ne jemi të kënaqur që një lojtar me cilësinë dhe pasionin e Luis për lojën i bashkohet klubit tonë. Ai i bashkohet një skuadre që po frymëzon gjeneratën e ardhshme dhe ne mezi presim ta shohim atë të dalë në fushë me ish-shokët e skuadrës dhe lojtarët e rinj nga akademia jonë,” ka thënë David Beckham./Telegrafi/