Aberdeen refuzon 1 mln Euro për Ramadanin

Leçe e kërkon me ngulm mesfushorin shqiptar

Aberdeen ka hedhur poshtë ofertën prej 1 milion Euro të Leçe për Ylber Ramadanin.

Mediat skoceze shkruajnë se skuadra nga Serie A po e kërkon mesfushorin e Kombëtares, por duket se shuma nuk kënaq klubin e Ramadanit me të cilin ka kontratë deri në 31 maj të 2025.

Sipas Transfermarkt.com vlera e 27-vjeçarit është rreth 800 mijë Euro, por jo për Aberdeen që e shikon si një lojtar të rëndësishëm. Në garë për futbollistin shqiptar pritet të hyjë edhe Verona.

Leçe do të ishte një zgjedhje më e mirë për karrierën e Ylber Ramadanit, pasi merr pjesë në elitën e futbollit italian.

Më parë, Ramadani është aktivizuar me disa skuadra në Kosovë, me Partizanin në Shqipëri, Vejle në Danimarkë dhe MTK Budapest në Hungari.

Tv Klan

Të ngjashme