Allegri drejt rikthimit të bujshëm, sfidon Juventus-in në ndeshjen e fundit

Massimiliano Allegri mund të kthehet në stol shumë shpejt.

Ish-trajneri i bardhezinjve mund të ulet në stolin e Benfica-s, që këto ditë ka shkarkuar trajnerin Schmidt për shkak të rezultateve të dobëta.

Drejtuesit e klubit portugez janë në kërkim të trajnerit të ri dhe, sipas Corriere dello Sport, në krye të listës duket se është Massimiliano Allegri.

Rui Costa, presidenti i Benfica-s kërkon të gjejë sa më shpejt trajnerin e ri dhe menaxheri i Allegri-t, Giovanni Branchini, thuhet se ka shkuar në Lisbonë për të negociuar.

Nëse Max do të bëhej trajneri i ri i Benfica-s, mund të përballet me Juventus-in në ndeshjen e fundit të Champions-it të ri, që do të zhvillohet në janarin e 2025-ës.

Ndeshja do të luhet në Allianz Stadium dhe do të ishte një kthim i bujshëm në Torino për Allegri-n.

Rui Costa pritet të zbulojë trajnerin e ri në orët e ardhshme dhe ka deklaruar: “Shumë shpejt do të mësoni se kush do të jetë trajneri i ri i Benfica-s”.